OMu &
aq
uo; C9 Ai Mei
Li 師奶愛美麗
OMu &aquo; C9 Ai Mei Li 師奶愛美麗我當年未識打中文，所以通常都係去英文chatroom玩。呢D都係英文chatroom既入門常用語，唔識真係會唔知人地講緊乜。就好似asl咁，差不多相當於兩個唔同國籍既陌生人見面互問where do u come from等打招呼既用語。
本地玩chatroom既人同外國相比少好多，本地人多數從ICQ/msn開始玩，果D大部分都係自己既熟人而且多數單對單對話根本極少需要問人asl,而brb等當年係中文虛擬世界更加少人用(有都係英文系用家後來傳入)，不過呢D係語言既問題，好似國語系既虛擬世界後來就發展出886/520等類似既用語。
你提到既火星文係2000年後中文虛擬世界發展出黎既一個中文系網絡語言既變種。其多樣性同變化同英文系(只取字頭)既short form比較可以話完全係兩種唔同既品種。因為中文系國、粵語用家既唔同用法同習慣，其用法所包含既象形(英數字/符號)、錯字(借用)、聲似(借音)等都有稍微唔同，無一定成法。所以唔同語系中既用家係某種”特定”用法未廣為該語系用家所熟悉前，就未必能夠互相溝通。當然英文系既網絡語言除左縮寫字都有少數象形同聲似字用法，不過相比中文系既火星文就簡單得多。
又，當然chatroom既人都係打句子多，不過有人係果D特定既位會用short form就好似有人鍾意/會寫潦草一樣，唔會因為寫少幾筆/拼少幾個字母就會冇咁傳神既。
你個女係果邊D學校同朋友度會學到幾個簡單既short form一D都唔出奇，就好似我地細個係同學度學埋學埋不知幾多術語/俗語屋企人多數都唔會識。你試下如果你個女真係識得”火星文”既話，真係除左佢地玩開果幾個朋友，就算成日係網上玩果D人都未必知佢地講乜呀!
奕：
嘩，好難得你會寫咁長喎。
我如果在聊天室見到有人第一句問我asl，我會馬上不理睬的。因為我試過一講是女性，就會有成班男人走來跟你聊。我最憎人地過來聊是因為我是女人。所以我一般都是中性的跟人地聊。聊天室好多女生都以為我是男生。試過有一次有一個男生跟我頂嘴，以為我跟他爭女。(真的暈低﹗)
Just Little Something：
太多了，我有時也不知道他們在說什麼。
哈哈，我驚成日都係咁長既留言，你會話我喧賓奪主呀嘛!到時唔參我玩就唔好啦:p 間唔中一次你唔會怪我既，成日都係咁你就會覺得我討厭架喇。
chatroom好難唔答asl呢樣野，好似打招呼咁，skip左答一D野，對方既感覺會好怪好似覺得你有所企圖咁。係blog度唔係即時交流就比較好D，不過就算以前我係blog度唔講D人都會打爛沙盤問到督。我好明白你唔想講既原因，我以前唔講亦係因為唔中意D人將對性別而黎既expectation框框左雙方既交流模式。個溝通方式好自然會受性別左右而唔係單單議事論事。你會因為對方以為你同佢爭女而”暈低”，我都試過有人以為我同佢爭女，不過我既感覺係”無奈”，本來大家都幾好傾既，就係對方以為有”利益衝突”所以起晒摃。所以我都唔中意將性別呢樣野掛係身度/就算掛我都寧願D人以為我係女，咁會”容易”D傾計。
話雖如此，D人會咁問其實都有佢地既原因既。係一個特定既社會環境度，唔先釐定雙方要扮演乜角色，普通人會覺得無所適從。長幼、主從定平輩都有唔同既溝通方式。特別係你講果個君子好逑既情況，畢竟虛擬世界有好多”獵人”潛伏尋找”獵物”，而大部份獵人都係男性(都有女性既獵人)，所以為免誤獵又或者等D獵物早一步識別被獵既危險敬獵人而遠之，一般人都會好有共識一早講明自己係咩身份，然後先去繼續呢個追追逐逐既遊戲。
有時我會唸，如果係現實世界，大家都除左個臭皮囊落黎，不受色相同各樣五識既感覺所左右，冇貴賤、冇肥瘦、冇美醜、冇香臭…咁大家會唔會容易D溝通呢?